Blog

Ngatho Ici Ndacituma

October 7th, 2017 1:45 am     A+ | a-

1. Ngatho ici ndacituma Ngai wakwa, Ni undu wa ciama nene uningiire;
urotura ukumagio hindi ciothe, Niundu wa ukaru waku Imanueli.

       Amukira, amukira ici ngatho ciakwa, Kuuma uniniini wakwa ninguonete,
       Wi mwega, wi mwega, Jesu, kiambarario, Riu, umuthi, na ruciu kinya tene.


2. Mbaara na ndihu nene cianangora, Rimwe nii ngetigira ngaigua guoya,
Roho uria wakiheire niguo ndorie, Ngona anyitite guoko ngomiriria.

3. Ndungata yaku Ayubu yathinirio, Mirimu yari miritu niatoririe,
Agithinio mwiri wake, na indo ciake; Ndaigana gugutirika onete uguo.

4. Arata akwa mandigire, o uguo tuhu, Riu gutiri o nomwe, unging'ethera,
Maragia na mihehu, ta Judathi, Ati niwandigire, wiyonanie.

5. Cuthiriria wone ngoma e wiraini, Aroiga tutingitoria: Turi atoria!
Mirimu miingi akarehe, ya gicaci, Ekuigua uguo, ekuigua uguo, turiatoria.

6. Ndiri na undu nii ingikiuga, Ninguonete, ciama nene ukaringa,
Ngikuonaga, athuri ukamahonokia, atumia, Anake na airitu, urogocwo.

Older Post Home Newer Post