Blog

Mwathani wakwa jakaniria tawa,

October 6th, 2017 11:54 pm     A+ | a-

1. Mwathani wakwa jakaniria tawa, Nyumitwo thutha ni duma nene.
Ngona cieruru ihana mahiga. Kuria thu ciakwa injetereire
Nindakuhoya urekie muraika, Ngikinya kuu ngore makomete
Ngoroini yakwa njage ihoru.

2. Nyumba ino yaku wakire na thina' Urigiciirwo ni oragani
Nawe wakire ugwete kihoto. Waragia kiugo gikahotana
Ni waruite mbaara yari hinya, Athamaki athi magigwitigira.
Ona kwa ngoma ugitigirwo.

3. Gutiri ucamba ukirite waku, Gutiri urume ukirite waku
Njagite guoya nikumenya wega. Ni nyumiriire njama iri urume
Ona mangiuka mega kana moru, Nganyita mega ngatoria mauru
Nyunage maru ngoiga ni wega.

4. Ndakinya kuu ndakorire aira, Na nii ngituika o umwe muira
Ndakora athuri ngituika muthuri, Ndakora ciana ngiruika mwana
Koruo undu ucio no utuike nduma, Ni njui wega ucio ti wendo waku
Ucio ni endo wa uria muru.

5. Ndokire gwaku ukinyonia muhaka, Uria urigiciirie gwaku mucii
Na ugicoka ukinyonia watho, Uria uturaga nyumba-ini yaku
Niguo ndikae kunyita kauru, Tondu woigire mwiki uru wothe
Ucio ni mwana wa uria muru.

6. Rugendo ruru rwakinya muthia, Ninjui wega ngekana muno
Maitho makwa nimakerorera, Uria nderirwo ni ngeyonera
Irikaniro ciothe niikahinga, Cia andu athingu mature na thayu
Ngoro-ini ciao ihurukite.

 

Older Post Home Newer Post